السلام عليكم و رحمة الله

متصفحو النت الكرام .. نود ابلاغ سيادتكم بان طائرة المتصفح ستهبط فى مطار جامعتنا الدولى ... نتمنى لكم قضاء وقتا سعيدا ....




لأن من لا يعرف الجمال .. لا يشعر به
و من لا يعرف الابداع .. لا يتمناه
و من لا يشعر بالأخوة .. لا يسعى لها

سنأخذكم فى جولة قصيرة للتعرف على جامعتنا .. و نترك لكم القرار


لان التنظيم اساس كل شئ .. و لا تنظيم بلا قوانين .. و لا قوانين بلا رؤية و مناقشة لها
دستور جامعتنا .. و كل اخبار جامعتنا ..
مسابقات المنتدى العامة .. لمتابعتها .. تفضلوا فى "المنتدى"

لكلٍ تجاربه و خبراته فى الحياة .. هذه الخبرات هى حصيلة السنوات الماضية من حياتك .. و لكن ما رأيك أن تستمع الى خبرات و تجارب الاخرين فتضيف عمرهم الى عمرك .. و فكرهم الى فكرك .. لتصل فى النهاية الى القرار الصحيح فيما يهمك ..
ناقشنا افكارك .. موضوعاتك .. فى "الحوار المفتوح"
و لا ننسى ان "الاختلاف فى الرأى لا يفسد للود قضية"

"جامعتنا .. أسرة واحدة جمعتنا"
و لأن الأسرة لازم تشارك بعض فى افراحها و احزانها
ضحكتها و دمعتها
نجاحها و تفوقها
تعالى شاركنا مناسباتك و مناسباتنا فى "المناسبات"

عرفتنا شوية .. محتاجين نعرفك ..
عرفنا بنفسك فى "الترحيب بأصحابنا الجدد"

شباب جامعتنا عاملين جروب .. تحب تنضملهم ؟؟
تتعرف عليهم .. و تتعلم منهم
تهديلهم تجاربك و تنصحهم
يبقى اشترك معاهم فى جروب "منتدى الشباب"

الدنيا مش كلها فرح .. و لا كلها نجاح
بنزعل منها اوقات كتير .. و الناس بتظلمنا اوقات اكتر
كل واحد فينا ليه همومه و مشاكله
تعالو نفضفض سوا .. ننصح بعض .. و نساعد بعض فى "فضفضة"

الأنثى عالم غريب .. مخلوق فعلا عجيب ..احتار فيه الرجل منذ قديم الأزل .. كُتبت فيه أشعار و زجل .. و لكنها كانت جد متحاملة و للأنوثة ظالمة .. فتعالى معنا لنعرف وجهة نظر الأنثى لذاتها فى"منتدى البنات"
و لكن قبل الذهاب الى ذلك العالم الغريب الجميل .. تذكروا جيدا .. أن المرأة مخلوق عظيم اذا عرفت قدر نفسها

لان امتنا محتاجة التميز .. و كل واحد فينا محتاج التفوق .. تعالو ننمى نفسنا .. شخصياتنا و تفكيرنا ..
نتحكم فى اعصابنا .. نوصل لقراراتنا الصح
اتعلم من غيرك .. و علّم غيرك
نمى نفسك فى "التنمية البشرية"


تيجو نذاكر محاضراتنا .. و نتناقش مع زمايلنا
و نفكر فى امتحاناتنا
تعالو سوا ندخل كلياتنا .. و نفهم مناهجنا

طلبة هندسة .. مبدعي المستقبل .. كل المحاضرات و الشرح و المراجعة
فى قسم "كليات الهندسة"

اطباء و صيادلة المستقبل .. كل اللى متعلق بالدراسة هتلاقوها هنا
فى قسم "كليات الطب و الصيدلة"

طلبة تجارة و زراعة و تعليم صناعى .. تفوقكم يهمكم و يهمنا .. لمتابعة المحاضرات و الشرح و الاستفسارات
فى قسم "كليات التجارة و الزراعة و التعليم الصناعى"

علماء المستقبل .. تيجو نشرح لبعض و نساعد بعض على الفهم .. تيجو نتفوق
ادخلو هنا "كليات العلوم"

مدرسى المستقبل .. صناع الأجيال .. محاضرات و شرح وامتحانات
هتلاقوها فى "كليات التربية"


دلوقتى بقى نحب نعرف طلبة هندسة بترول بجمعيات مهمة اوى
Spe
RAC
AAPG

الجمعيات دي بتهتم بتطوير جوانب معينة عند طلبة الكلية والجوانب دي في الغالب بتكون الكلية مش مهتمة بيها

زي مثلا جزئية التنمية البشرية أو التحكم الالي او الامن الصناعي وحاجات تانية كتيرة بتدي فيها محاضرات وكورسات ساعات باسعار منخفضة وساعات بالمجان

تحبو تعرفو عنهم اكتر :





القران الكريم .. دواء القلوب .. نور الصدور .. دستور المسلمين
تيجو نفهم دستورنا صح
تيجو نعيش مع القران
تعالو نطبق القران نظريا فى قسم "القران الكريم" .. عمليا فى "حياة المسلمين"

سنة الحبيب عليه الصلاة و السلام .. التطبيق العملى للقران الكريم
تعالو نتعلم اخلاقنا .. و نقتدى برسولنا فى قسم "السنة النبوية"
تذكروا أن "عضوا عليها بالنواجذ"

احيانا .. قد لا نحب شخص لأننا لا نفهمه ..
و قد لا نتعلق بمعجزة لاننا لا نرى وجه الاعجاز فيها ..
فتعالو معنا .. لنعرف و لو جزء بسيط من اعجاز القران الكريم فى "الاعجاز العلمى و البيانى"

لان اسلامنا ليس قران و سنة فقط .. انما هو حياة بأكملها ...
تطبيق عملى للقران و السنة
حياة المسلم .. حياة عامة ... تعالو نناقشها فى "اسلامى عام"


هوايتك الكتابة ؟؟ بتعرف تطلع اللى جواك على الورق
نثر او شعر أو قصة قصيرة
عاوزين نشوف ابداعاتك و كتاباتك
نستمتع بيها .. نتعلم منها .. و ننقدها نقد بنّاء
نقد ينمى الموهبة و يوجه للصح
عاوزين نشوف ابداعاتك و تشوف ابداعاتنا فى "بقلم الأعضاء"

هل انت من هواة القصص و الروايات؟؟
شاركنا باى قصة او رواية تقراها .. تحبها .. تستفيد منها
فى "القصص و الروايات"

الكتابة مش هوايتك؟؟
بس بتحب الادب..
قريت كلمات او ابيات او قصايد عجبتك
شاركنا بيها فى "كلمات أعجبتنى"

لكل انسان قدوة .. و من الافضل ان تكون اكثر من قدوة
أناس نجحوا فى الحياة .. نجحوا فى اثبات الذات
تعالو معاً نتعرف أكثر عليهم فى "شخصيات بارزة"
و لا تنسوا ان تسألو أنفسكم "كيف نجح هؤلاء؟؟"

قالوا "ان لا ثقافة من النت .. انما هى معلومات"
محتاج تزود معلوماتك .. محتاج تفهم ظواهر علمية مش مفهومة بالنسبة لك
اتفضل معانا فى "المعلومات و العلوم العامة"

"القراءة هى غذاء العقل"
كتب كتير بتنزل .. منها المهم و منها الاهم و منها ... قليل الفائدة
تحب تاخد براى اخواتك فى الكتب اللى تحب تقراها .. تشوفهم بيقرو ايه
تطلب منهم كتاب
تقولهم على كتاب مفيد
شاركنا فى "مكتبة جامعتنا"

"العالم قرية صغيرة"
ما يحدث فى أقصاها .. يُعرف فى أدناها
تابع اخبار العالم .. فى قسم "الأخبار"

السياسة .. بحر ليس له قاع ...
ملئ بكل الاسماك .. اسماك كبيرة و أخرى صغيرة
ملئ بالألعاب .. ألعاب مباشرة و أخرى .... ملتوية
لكن تذكر ..
قبل الابحار فيه ... عليك اولا بمعرفة ساكنيه و أصول التفكير معهم
تعرف على مبادئ السياسة فى قسم "السياسة"

قالوا "ان اسرائيل قوة لا تهزم .. و أن لديهم أفضل جهاز مخابرات" ...
و لكن .... هُزموا بنفس نقطة قوتهم
الا و هى
جهاز المخابرات
تعالو نعرف أصول المخابرات و العلوم العسكرية والاستراتيجية ..
فى "العلوم العسكرية و الاستراتيجية و المخابرات"


لا مستقبل بلا نهضة .. و لا نهضة بلا علم ..
و لا علم بلا أناس تطبقه
فما رأيكم أن نتعلم العلم .. و نطبقه

لنعرف اخر ما توصل له العلم فى قسم "أخبار العلم"

لنتعلم العلوم الهندسية فى "العلوم و الأبحاث الهندسية"

لنتعلم العلوم الطبية فى "العلوم و الأبحاث الطبية"

"من علم لغة قوم .. أمن مكرهم"
تعالو ندرس لغتهم
ندرس نهضتهم بلغتهم
و نعبر عنا ليهم .. بلغتهم
فى قسم "DIFFERENT LANGUEGES"

تحب تاخد كورسات ..
كورسات كمبيوتر او كورسات تعليمية تانية
اشترك معانا فى "GAM3TNA ACADEMY "


بتدور على اى برنامج
فى اى برنامج جديد كويس عاوز تهديه لاعضاء جامعتنا

شارك معانا فى "البرامج الكاملة"

عاوز تسال على أى موبايل ؟؟
بتدور على برامج لموبايلك ؟؟
بتدور على رسايل تبعتها لأصحابك؟؟
هتلاقو كل حاجة متعلقة بالموبايلات فى "منتدى الموبايل"

بتدور على احدث الالعاب؟؟
عندك لعبة حلوة .. تحب تهديها لجامعتنا
شاركنا فى "منتدى ألعاب PC"

"الكمبيوتر .. لغة العصر ... و النت .. من أهم ما سطرت لغة العصر"
لمناقشة كل ما يتعلق بعالم الكمبيوتر و الانترنت
فى "تكنولوجيا المعلومات IT"


تحب تتعرف على الرياضات المختلفة .. تتابع اخبارها .. تتابع اخر اخبار الفريق اللى بتشجعه ..
يبقى شارك معانا فى "رياضى عام"

لمتابعة أخبار و مناقشات الدورى المصرى فى قسم "الدورى المصرى"

لكل ما يتعلق بالدوريات الأوروبية "الدورى الأوروبى"


أوقات بنكتئب لدرجة اننا ننسى الضحك ازاى ..
و اوقات تانية نشوف اللى ادامنا زعلان اوى و مش عارفين نضحكه ..
شاركنا ضحكنا فى "النكت و الفكاهة"

محتاج تنشط عقلك ؟؟
تفكر شوية ..
تحب تشوف مين هيحل اللغز الاول ؟؟
فى قسم "الألغاز و الفوازير"

بتحب ترسم ؟؟ طيب بتحب الصور ؟؟
عندك صورة جميلة ؟؟
طيب بتدور على صور عاوزها؟؟
شاركنا فى "منتدى الصور"

للترفيه فى حياتنا وقته ..
بيخلينا ننسى شوية الضغوط اللى علينا ..
تحب تشاركنا وقت ترفيهنا بلعبة جديدة او مسابقة ترفيهية ..
فى "الألعاب الترفيهية"


تحبو تسمعو معانا افلام الكرتون و الانيميشن

او تشاركونا الفيديوهات الجميلة

طيب ايه رايكو لو نشوف سوا فيلم وثائقى

طيب و الصوتيات .. ها؟؟
عندكو مقاطع صوتية حلوة ؟؟
تحبو تشاركونا ؟؟

فى أقسام "المالتيمديا"


ايه رأيك فى جامعتنا دلوقتى؟؟
عندك رأى .. اقتراح .. شكوى يساعدو فى تطوير المنتدى ؟؟
انقد نقدك البناء فى قسم "اقتراحات و شكاوى"


سعدنا جدا بالجولة السريعة معاكو .. نتمنى تستقرو معانا و اسرة جامعتنا تعجبكم

دلوقتى بقى
احب ابلغكم

































ان الطائرة اقلعت من بدرى و احنا فى الجولة
و بالتالى
هنكون اسعد بكتيييييير بانضمامكم لاسرتنا .. و تشاركونا نشاطكم و ابداعاتكم